టీఎస్‌పీఎస్సీ పరీక్షలన్నీ రీ షెడ్యూల్ !

నూతన జాబ్ క్యాలెండర్ ప్రకారం రిక్రూట్మెంట్
స్పాట్ వాయిస్, హైదరాబాద్ : గత ఏడాదిన్నరగా టీఎస్‌పీఎస్సీలో పేపర్ల లీక్‌లు, ఆపై పరీక్షల వాయిదాల వ్యవహారంతో తెలంగాణ లో ప్రతిష్టంభన కొనసాగుతోంది. ఈ క్రమంలో నూతనంగా ఏర్పడిన ప్రభుత్వం నిరుద్యోగులకు శుభవార్త చెప్పింది. టీఎస్‌పీఎస్సీ పరీక్షలన్నీ రీ షెడ్యూల్ చేయాలని నిర్ణయించినట్లు తెలిసింది. ఈ మేరకు సోమవారం సచివాలయంలో టీఎస్ పీఎస్సీ చైర్మన్, సెక్రెటరీలతో సీఎం రేవంత్ రెడ్డి సమీక్ష నిర్వహించారు. ఈ సందర్భంగా టీఎస్ పీఎస్సీ ప్రక్షాళన, పరీక్షల నిర్వహణ వంటి కీలక అంశాలపై సీఎం అధికారులతో చర్చించారు. ఇందులో భాగంగా టీఎస్ పీఎస్సీ పరీక్షలన్నీ రీ షెడ్యూల్ చేసి, నూతన జాబ్ క్యాలెండర్ ప్రకారం రిక్రూట్మెంట్ చేయాలని యోచనలో ప్రభుత్వం ఉన్నట్లు సమాచారం