మేడారం కోసం స్పెషల్ ట్రైన్..

21 నుంచి భక్తులకు అందుబాటులోకి..
స్పాట్ వాయిస్, బ్యూరో: మేడారం సమ్మక్క-సారక్క జాతరకు వచ్చే భక్తుల రద్దీని దృష్టిలో ఉంచుకుని సౌత్ సెంట్రల్ రైల్వే అధికారులు స్పెషల్ ట్రైన్ నడుపేందుకు సిద్ధం అయ్యారు.
కాగజ్‌నగర్‌- వరంగల్ మధ్య ఈ నెల 21 నుంచి 24 వరకు నాలుగు రోజుల పాటు ట్రైన్ ను నడుపనున్నారు. ఈ మేరకు శుక్రవారం సాయంత్రం రైల్వే అధికారులు ఉత్తర్వులు జారీ చేశారు. కాగజ్‌నగర్‌ నుంచి ఉదయం 5:30 గంటలకు బయలు దేరి 10 గంటలకు వరంగల్ చేరుకుంటుందని వెల్లడించారు. మళ్లీ వరంగల్ నుంచి మధ్యాహ్నం12 గంటలకు రైలు బయలు దేరి సాయంత్రం 4 గంటలకు కాగజ్‌నగర్‌ చేరుకుంటుంది. మేడారం వెళ్లే భక్తులకు ఈ ట్రైన్ ఎంతో ఉపయోగకరంగా ఉంటుందని అధికారులు పేర్కొన్నారు.