సీఎంఆర్ షాపింగ్ మాల్లో అగ్నిప్రమాదం
స్పాట్ వాయిస్, బ్యూరో: హైదరాబాద్ ఉప్పల్ ప్రాంతంలో ప్రధాన రహదారిలో ఉన్న సీఎంఆర్ షాపింగ్ మాల్లో భారీ అగ్నిప్రమాదం చోటుచేసుకుంది. మంగళవారం రాత్రి సమయంలో ఒక్కసారిగా నాలుగంతస్తుల భవనంలోని ముందు భాగంలో మంటలు చెలరేగాయి. భారీగా మంటలు వ్యాపించడంతో భవనం అగ్నికీలల్లో చిక్కుకుంది. సమాచారం అందుకున్న ఫైర్ సిబ్బంది ఘటనాస్థలానికి చేరుకుని మంటలను అదుపు చేశారు. మంటల ధాటికి భవనంలోని పైకప్పు సీలింగ్‌ కుప్పకూలింది.
తప్పిన ప్రాణనష్టం..
అగ్నిప్రమాదం జరగడానికి ముందే అక్కడ పనిచేసే సిబ్బంది, మాల్‌ను మూసివేసి వెళ్లిపోయారు. ఆ తర్వాత మంటలు ఎగిసిపడడంతో ప్రాణ నష్టం తప్పింది. ఘటనాస్థలాన్ని ఎల్బీనగర్‌ డీసీపీ సాయిశ్రీ, స్థానిక ఎమ్మెల్యే లక్ష్మారెడ్డి పరిశీలించారు. మంటలు పూర్తిస్థాయిలో అదుపులోకి రావడంతో స్థానికులు ఊపిరి పీల్చుకున్నారు. ఈ ప్రమాదంపై పోలీసులు కేసు నమోదు చేసి దర్యాప్తు చేపట్టారు.
Recent Comments