కొట్టుకున్న యారాండ్లు..

ఒకరు మృతి..
వరంగల్ జిల్లాలో ఘటన
స్పాట్ వాయిస్, నర్సంపేట (నెక్కొండ): వరంగల్ జిల్లా నెక్కొండ మండలంలో యారాండ్లు. (తోటి కొడళ్లు) కొట్టుకోగా.. ఒకరు మృతి చెందారు. స్థానికులు తెలిపిన వివరాల ప్రకారం… నెక్కొండ మండలంలోని పత్తిపాక గ్రామానికి చెందిన తాళ్ల కమలమ్మ, తాళ్ల లచ్చమ్మ ఇద్దరు యారాండ్లు. (తోటికోడళ్లు). వీరికి ముందునుంచే గొడవలు ఉన్నట్లు సమాచారం. అయితే శనివారం లచ్చమ్మ తన ఇంటి పక్కనే ఉన్న వాళ్లతో గోడవ పడుతుండగా.. కమలమ్మ మధ్యలోకి వచ్చినట్లు తెలిసింది. దీంతో  లచ్చమ్మ -కమలమ్మ  తిట్టుకున్నారు. ఈ క్రమంలో ఆగ్రహానికి గురైన లచమ్మ.. కమలమ్మ గుడిసెలోకి వెళ్లి కర్రతో కమలమ్మను కొట్టినట్లు తెలుస్తోంది. దీంతో ఆమె కిందపడిపోగా.. స్థానికులు నెక్కొండ ఆస్పత్రికి తరలించారు. అప్పటికే మృతి చెందినట్లు వైద్యులు వెల్లడించారు. ఈ ఘర్షణ విషయం తెలుసుకున్న పోలీసులు ఘటన స్థలానికి చేరుకొని వివరాలు సేకరిస్తున్నారు. పూర్తి వివరాలు తెలియాల్సి ఉంది.