గణపురం పీఏసీఎస్ చైర్మన్‌గా కుమార్ యాదవ్

స్పాట్ వాయిస్, గణపురం: గణపురం పీఏసీఎస్ చైర్మన్‌గా కన్నెబోయిన కుమార్ యాదవ్ ఎన్నికయ్యారు. ఈనెల 5న పాత చైర్మన్ పై అవిశ్వాస తీర్మానం నెగ్గడంతో శనివారం మండలంలోని ప్రాథమిక వ్యవసాయ సహకార సంఘం కార్యాలయంలో డీసీవో శైలజ సమక్షంలో ఏర్పాటు చేసిన సమావేశంలో నూతన చైర్మన్ ఎన్నిక నిర్వహించారు. 13 మంది డైరెక్టర్లకు గాను 11మంది కుమార్ కు మద్దతుగా చేతులెత్తారు. ఇక ఇద్దరు గైర్హాజరయ్యారు. దీంతో అధికారులు చైర్మన్ గా కుమార్ ఎన్నికైనట్లు ప్రకటించి, ధ్రువీకరణ పత్రం అందజేశారు. సొసైటీ అభివృద్ధి కోసం కృషి చేస్తామని కుమార్ యాదవ్ తెలిపారు.