కాటారం ప్రెస్ క్లబ్ గౌరవ అధ్యక్షుడు మృతి..
నిమ్స్ లో చికిత్స పొందుతూ కన్నుమూసిన సారయ్య
స్పాట్ వాయిస్, కాటారం: జయశంకర్ భూపాలపల్లి జిల్లా కాటారం ప్రెస్ క్లబ్ గౌరవ అధ్యక్షుడు, ‘మనం’ దినపత్రిక రిపోర్టర్ నార సారయ్య మృతి చెందాడు. ఇటీవల రోడ్డు ప్రమాదం లో గాయపడిన ఆయన హైదరాబాదులోని నిమ్స్ ఆసుపత్రిలో చికిత్స పొందుతూ శనివారం రాత్రి మృతి చెందారు. 20 రోజుల క్రితం మోటార్ సైకిల్ పై ప్రయాణిస్తూ మండలంలోని చింతకాని క్రాస్ రోడ్ వద్ద ప్రమాదవశాత్తు కింద పడి తీవ్రంగా గాయపడ్డాడు. చికిత్స కోసం భూపాలపల్లి ,వరంగల్, ఆ తర్వాత హైదరాబాదులోని నిమ్స్ ఆసుపత్రికి తరలించారు. పరిస్థితి విషమించడంతో చికిత్స పొందుతూ నిమ్స్ ఆస్పత్రిలో సారయ్య మరణించాడు. సారయ్య మరణం పట్ల కాటారం సబ్ డివిజన్ జర్నలిస్టులు తీవ్ర విచారం వ్యక్తం చేశారు.
Recent Comments