లెంకాలపల్లి అంగన్వాడీ కేంద్రం తనిఖీ

లెంకాలపల్లి అంగన్వాడీ కేంద్రం తనిఖీ
స్పాట్ వాయిస్, నల్లబెల్లి :  మండల పరిధి లెంకాలపల్లి గ్రామంలోని అంగన్వాడీ కేంద్రాన్ని మంగళవారం సర్పంచ్ మేకల లక్ష్మీ సాంబయ్య, విద్యా కమిటీ చైర్మన్ మొటపోతుల నరేష్ సందర్శించి, తనిఖీ చేశారు. ఈ సందర్భంగా ఇన్ చార్జి అంగన్వాడీ టీచర్ ఆకుల సునీతను ప్రభుత్వం నుంచి పంపిణీ జరుగుతున్న బియ్యం, పాలు, గుడ్లు, పప్పు, నూనె వివరాలను అడిగి తెలుసుకున్నారు. అనంతరం వారు మాట్లాడుతూ అంగన్వాడీ కేంద్రంలో లబ్ధిదారులకు సరుకులు సక్రమంగానే పంపిణీ అవుతున్నాయన్నారు. అయితే ఈ నెలలో ఇప్పటివరకు రెండు బ్యాచ్ ల గుడ్లను కాంట్రాక్టర్ అంగన్వాడీ కేంద్రాలకు సరఫరా చేయలేదని, పాలు కూడా సకాలంలో రావడం లేదన్నారు. బియ్యం లేకున్నా డోనర్స్ ద్వారా సేకరించి వంట చేయడం జరుగుతుందన్నారు. కార్యక్రమంలో ఆయా గాదం రాజమ్మ, లబ్ధిదారులు తదితరులు పాల్గొన్నారు.