టీఆర్ఎస్ లో చేరిన వార్డు మెంబర్

స్పాట్ వాయిస్, చిట్యాల: జయశంకర్ భూపాలపల్లి జిల్లా చిట్యాల మండలం బావుసింగ్ పల్లి గ్రామానికి చెందిన 3వ వార్డు సభ్యుడు శనిగరపు నాగరాజు ఆదివారం టీఆర్ఎస్ గ్రామ ఇన్ చార్జి, సర్పంచ్ దామెరబోయిన నారాయణరావు ఆధ్వర్యంలో జెడ్పీటీసీ గొర్రె సాగర్ సమక్షంలో గులాబీ తీర్థం పుచ్చుకున్నారు. ఈ సందర్భంగా సాగర్ మాట్లాడుతూ.. రాష్ట్ర ప్రభుత్వం అమలు చేస్తున్న సంక్షేమ పథకాలను, అభివృద్ధిని చూసి ఆకర్షితులై వివిధ పార్టీల నుంచి పెద్ద మొత్తంలో టీఆర్ఎస్ లో చేరుతున్నట్లు చెప్పారు. ఎమ్మెల్యే గండ్ర వెంకటరమణారెడ్డి ప్రతీ కార్యకర్తను కంటికి రెప్పలా కాపాడుకుంటారని చెప్పారు. ఈ కార్యక్రమంలో స్థానిక ప్రజాప్రతినిధులు, ముఖ్య నాయకులు, కార్యకర్తలు తదితరులు పాల్గొన్నారు.