బీజేపీ-టీఆర్ఎస్ బాహాబాహీ

అంబేద్కర్ సాక్షిగా వ్వాగాదం..
ఎమ్మెల్యే దండ వేసేకే.. మీరు వేయాలి..
బీజేపీ నాయకుడిని అడ్డుకున్న టీఆర్ఎస్, జేఏసీ నాయకులు
స్పాట్ వాయిస్, వర్ధన్నపేట: వర్ధన్నపేట మండల కేంద్రంలో బీజేపీ, టీఆర్ఎస్ మధ్య వాగ్వాదం చోటుచేసుకుంది. జేఏసీ ఆధ్వర్యంలో నిర్వహించిన అంబేద్కర్ జయంతిలో టీఆర్ఎస్, బీజేపీ నాయకులు లొల్లి పెట్టుకున్నారు. బీజేపీ జిల్లా అధ్యక్షుడు, మాజీ ఎమ్మెల్యే కొండేటి శ్రీధర్ అంబేద్కర్ విగ్రహానికి పూలమాల వేయడానికి వెళ్తుండగా టీఆర్ఎస్ నాయకులు అడ్డుకున్నారు. ఎమ్మెల్యే విగ్రహానికి పూల మాల వేసిన తర్వాత మీరు వేయాలని అడ్డుకున్నారు. దీంతో బీజేపీ, టీఆర్ఎస్ నాయకుల మధ్య వాగ్వాదం చోటు చేసుకుంది. ఈ సందర్భంగా శ్రీధర్ మాట్లాడుతూ.. ఒక దళిత దొర ఎమ్మెల్యే అయి మరొక దళితుడి అవమానించాడన్నారు. జేఏసీ నాయకులు ఒకే రాజకీయ పక్షానికి కొమ్ముకాస్తురన్నారు. అక్కడే బందోబస్తు నిర్వహిస్తున్న పోలీసులు నిలబడి చూశారే తప్ప అడ్డుకునే ప్రయత్నం చేయలేదని బీజేపీ నాయకులు ఆరోపించారు.