రేపు గణేశ్ నిమజ్జన మహోత్సవం
ట్రై సిటీ పరిధిలో ట్రాఫిక్ ఆంక్షలు…
వివరాలు వెల్లడించిన సీపీ ఏవీ రంగనాథ్
స్పాట్ వాయిస్, హన్మకొండ క్రైమ్ : వినాయక నిమజ్జనాన్ని పురస్కరించుకొని బుధవారం (రేపు) గ్రేటర్ వరంగల్ పరిధిలో శోభాయాత్ర నిర్వహించబడుతుందని, దీంతో
వరంగల్, హన్మకొండ, కాజీపేట పరిధిలో ట్రాఫిక్ ఆంక్షలు విధిస్తున్నట్లు వరంగల్ పోలీస్ కమిషనర్ ఏవీ రంగనాథ్ తెలిపారు. ట్రైసిటీ పరిధిలో నిమజ్జనానికి విగ్రహాలను తరలించే మార్గాల్లో ఎలాంటి ట్రాఫిక్ అంతరాయం కలుగకుండా, ట్రాఫిక్ సమస్యలు తలెత్తకుండా ఉండేందుకుగాని ఈ నిర్ణయం తీసుకున్నట్లు సీపీ మంగళవారం వెల్లడించారు. ట్రాఫిక్ ఆంక్షల్లో భాగంగా బుధవారం మధ్యాహ్నం 2 గంటల నుంచి గురువారం ఉదయం 10 గంటల వరకు ట్రాఫిక్ మళ్లింపులు, ఆంక్షలు కొనసాగుతాయని, నగర ప్రజలంతా సహకరించాలని కోరారు. వాహనదారులు, గణేష్ నవరాత్రి మండప నిర్వాహకులు పోలీసుల సూచనలను పాటిస్తూ గణేశ్ శోభాయాత్ర ను విజయవంతంగా పూర్తి చేసుకోవాలని పోలీస్ కమిషనర్ తెలిపారు.
భారీ వాహనాలకు ట్రాఫిక్ మళ్ళింపు ఆంక్షలు.
* వరంగల్ నగరంలో తిరుగు అన్ని రకాల వాహనాలకు ట్రాఫిక్ ఆంక్షలు ఆమలవుతాయి.
* ములుగు, భూపాలపల్లి వైపు నుంచి వచ్చే భారీ వాహనాలు హైదరాబాద్ కు వెళ్లాల్సినవి ఆరెపల్లి వద్ద ఔటర్ రింగ్ రోడ్డు నుంచి వెళ్లాలి
* భూపాలపల్లి, పరకాల నుంచి ఖమ్మం వెళ్లాల్సిన వాహనాలు ఆరేపల్లి వద్ద ఔటర్ రింగ్ రోడ్డు నుంచి కరుణాపురం, మడికొండ, కడిపికొండ, నాయుడు పెట్రోల్ పంపు నుంచి వెళ్లాలి.
* భూపాలపల్లి, పరకాల నుంచి వచ్చే భారీ వాహనాలు నర్సంపేట వైపు వెళ్లాల్సినవి కొత్తపేట, రెడ్డిపాలెం, జాన్ పీరీలు, గొర్రెకుంట మీదుగా వెళ్లాలి.
* నిమజ్జన సమయంలో ఎలాంటి వాహనాలకు సిటీ లోపలికి అనుమతించబడవు. సిటీ లోపలికి వచ్చే భారీ వాహనాలు సిటీ అవతలనే ఆపుకోవలెను.
* ములుగు, పరకాల వైపు నుంచి వచ్చే బస్సులు వయా పెద్దమ్మగడ్డ నుంచి కేయూసీ, సీపీవో, అంబేద్కర్ సెంటర్, ఏషియన్ శ్రీదేవి మాల్ మీదుగా బస్టాండ్ కు చేరుకోవాల్సి ఉంటుంది.
* హన్మకొండ బస్టాండ్ నుంచి బయలుదేరి ములుగు వైపు, కరీంనగర్ వైపు వెళ్లే బస్సులు వయా ఏషియన్ శ్రీదేవి మాల్, అంబేద్కర్ సెంటర్, సీపీవో ద్వారా కేయూసీ జంక్షన్ మీదుగా వెళ్లాలి.
* హన్మకొండ బస్టాండ్ నుండి బయలుదేరి నర్సంపేట, కొత్తగూడెం, భద్రాచలం, తొర్రూరు, ఖమ్మం వైపు వెళ్ళు బస్సులు వయా బాలసముద్రం, అదాలత్, హంటర్ రోడ్ మీదుగా వెళ్ళవలెను.
* వరంగల్ బస్టాండ్ నుంచి హన్మకొండ వైపు వచ్చే బస్సులు చింతల్ బ్రిడ్జి నుంచి రంగశాయిపేట్ మీదుగా నాయుడు పెట్రోల్ పంప్ సెంటర్, ఉర్సుగుట్ట, అదాలత్, బాలసముద్రం రోడ్ మీదుగా హన్మకొండకు చేరుకోవాలి.
వినాయక నిమజ్జన వాహనాలకు ట్రాఫిక్ ఆంక్షలు:
* సిద్దేశ్వర గుండంలో నిమజ్జనం చేసిన తరువాత వాహనాలు శాయంపేట వైపు వెళ్లే రోడ్డు ద్వారా వెళ్లాలి
* ఆరు అడుగుల కన్నా ఎక్కువ ఎత్తు కలిగిన విగ్రహాలతో కూడిన వాహనాలు, వినాయక విగ్రహాలతో కూడిన లారీలు సిద్దేశ్వర గుండంలో నిమజ్జనానికి అనుమతించబడవు. అలాంటి వినాయక విగ్రహ వాహనాలు నిమజ్జనం కోసం కోట చెరువు, చిన్న వడ్డేపల్లి చెరువులకు వెళ్లాలి
* శాయంపేట వైపు నుంచి వచ్చే వినాయక విగ్రహ వాహనాలు వయా హంటర్ రోడ్, అదాలత్, హన్మకొండ చౌరస్తా మీదుగా ప్రయాణించాల్సి ఉంటుంది.
* కోట చెరువు వైపు నిమజ్జనం కోసం వెళ్లే వాహనాలు పెద్దమ్మగడ్డ, ములుగు జంక్షన్, ఎంజీఎం, ఆటోనగర్ మీదుగా కోటచెరువుకు వెళ్లిలి.
* ఎక్సైజ్ కాలనీ, రెవెన్యూ కాలనీ, వడ్డేపల్లి ప్రాంతాల నుంచి వచ్చే వినాయక విగ్రహాలు అన్నీ బంధం చెరువులోనే నిమజ్జనం చేయాలి.
* చిన్నవడ్డేపల్లి చెరువులో నిమజ్జనం చేసిన వాహనాలు ఏనుమాముల రోడ్ నుంచి నర్సంపేట రోడ్ వైపునకు వెళ్లాలి.,
* కోట చెరువులో వినాయక విగ్రహ నిమజ్జన అనంతరం వాహనాలు హనుమాన్ జంక్షన్, పెద్దమ్మగడ్డ నుంచి కేయూసీ జంక్షన్ మీదగా తిరిగి వెళ్లాల్సి ఉంటుంది.
Recent Comments