తొర్రూరు డిపో బస్సు బోల్తా..

ఇద్దరు మృతి.. ఐదుగురికి గాయాలు
యాదాద్రి జిల్లాలో ఘటన
స్పాట్ వాయిస్, తొర్రూర్: మహబూబాబాద్ జిల్లా తొర్రూరు డిపోకు చెందిన బస్సు బోల్తా పడింది. ఈ ప్రమాదంలో ఇద్దరు మృతి చెందగా.. మరో ఐదుగురికి గాయాలయ్యాయి. వివరాల్లోకి వెళ్తే.. మహబూబాబాద్‌ జిల్లా తొర్రూరు డిపోకి చెందిన ఆర్టీసీ బస్సు తొర్రూరు నుంచి హైదరాబాద్‌కి బయలుదేరింది. అతి వేగం, అజాగ్రత్తతో నడిపిన బస్సు డ్రైవర్ యాదాద్రి జిల్లా అడ్డగుడూర్ మండలం బొడ్డుగూడెం వద్దకు అదుపు తప్పి రోడ్డు పక్కన ఉన్న గుంతలో పడి బోల్తా కొట్టింది. దీంతో అక్కడికక్కడే అడ్డగూడూరు మండలం చిన్న పడిశాలకు చెందిన చుక్క యాకమ్మ, బీబీనగర్‌కు చెందిన కొండా రాములు మృతి చెందారు. మరో ఐదుగురికి తీవ్ర గాయాలయ్యాయి. కొండా రాములు అడ్డగుడూర్ మండలం కోటమర్తి పంచాయతీ సెక్రటరీగా పనిచేస్తున్నాడు. గాయపడ్డ వాళ్లను సూర్యాపేట జిల్లా తిరుమలగిరికి దవాఖానకి తరలించారు. మృతదేహాలను పోస్టుమార్టం నిమిత్తం రామన్నపేట ప్రభుత్వ హాస్పిటల్‌కు తరలించారు. పోలీసులు కేసు దర్యాప్తు చేస్తున్నారు. మృతుల కుటుంబాలకు న్యాయం చేయాలని మృతుల బంధువులు, తోటి ప్రయాణికులు రోడ్డుపై బైఠాయించారు.