కార్మికుల శ్రమను గౌరవిద్దాం

సబ్ రిజిస్ట్రార్ తస్లీమా మహ్మద్
స్పాట్ వాయిస్, ములుగు: ప్రపంచం మనుగడ సాగిస్తుందంటే కార్మిక కర్షకుల కష్ట ఫలితమేనని, కష్టాన్నే నమ్ముకొనే కార్మికుల శ్రమను గౌరవిద్దామని ములుగు, భూపాలపల్లి జిల్లాల సబ్ రిజిస్ట్రార్ తస్లీమా మహ్మద్ అన్నారు. ఆదివారం ప్రపంచ కార్మికుల దినోత్సవం సందర్భంగా రామచంద్రపురం గ్రామంలో కామ్రేడ్ ఎండీ సర్వర్ స్మారక స్థూపం వద్ద కార్మిక జెండాను ఆవిష్కరించారు. అనంతరం తస్లీమా మాట్లాడుతూ.. చెమట చుక్కలను దారబోస్తూ శ్రమించే కార్మిక కర్షకుల శ్రమ వెలకట్టలేనిదన్నారు. ఈ కార్యక్రమంలో సర్పంచ్ కల్పన రూప్సింగ్,ఎంపిటిసి అమృత భాయ్, ఎంసిపీఐయు నాయకులు చంద్రయ్య, గ్రామస్తులు దొంతి రాంరెడ్డి, ప్రతాప్ రెడ్డి, బెతి రాజిరెడ్డి,సాయి రెడ్డి, కరివేద రాజిరెడ్డి,లక్ష్మారెడ్డి,ప్రమీల తదితరులు పాల్గొన్నారు.