ఐనవోలులో రెండో రోజు పూజలు

స్పాట్ వాయిస్ వర్ధన్నపేట: ఐనవోలు మల్లికార్జున స్వామి దేవస్థానంలో మహాకుంభాభిషేకం సందర్భంగా రెండోరోజు ప్రత్యేక పూజలు చేశారు. శ్రీ సంపత్ కుమార్ అర్చక బృందం దేవాలయ ఉప ప్రధాన అర్చకుడు పాతర్లపాటి రవీందర్ ఆధ్వర్యంలో పూజలు సాగాయి. ఈ కార్యక్రమానికి విశిష్ట అతిథిగా హంపీ పీఠాధిపతి శ్రీ జగద్గురు విద్యారణ్య భారతి స్వామి హాజరయ్యారు. ఆయన భక్తి ప్రవచనాలు వినిపించారు. ఈ కార్యక్రమంలో ఆలయ కార్యనిర్వహణాధికారి అద్దంకి నాగేశ్వరరావు, డీసీసీబీ చైర్మన్ మార్నేని రవీందర్ రావు దంపతులు, పునరుద్ధరణ కమిటీ చైర్మన్ మునిగాల సంపత్ కుమార్ దంపతులు, ధర్మకర్తల మండలి సభ్యులు, అర్చక సిబ్బంది పాల్గొన్నారు.