బైక్ కొనివ్వలేదని విద్యార్థి ఆత్మహత్య

బైక్ కొనివ్వలేదని విద్యార్థి ఆత్మహత్య
స్పాట్ వాయిస్, దామెర : బైక్ కొనివ్వలేదని మనస్తాపానికి గురైన ఓ విద్యార్థి పురుగుల మందు తాగి ఆత్మహత్నాయత్నానికి పాల్పడగా, ఎంజీఎంలో చికిత్స పొందుతూ గురువారం మృతి చెందాడు. స్థానికుల కథనం ప్రకారం వివరాలిలా ఉన్నాయి. నడికుడ మండలం రాయపర్తి గ్రామానికి చెందిన చిగురుమామిడి అఖిల్ (18) కొన్నేళ్లుగా తన అమ్మమ్మ గారి ఇల్లు అయిన దామెర మండలం కోగిల్వాయి గ్రామంలో ఉంటూ, హనుమకొండలో ఐటీఐ చదువుతున్నాడు. అయితే కొంత కాలంగా తనకు బైక్ కొనివ్వాలని అడుగుతున్నా, కుటుంబ సభ్యులు ఎవరూ పట్టించుకోవడం లేదని, ఈ నెల 26 న రాత్రి గడ్డి మందు తాగాడు. గమనించిన కుటుంబ సభ్యులు వెంటనే ఎంజీఎం ఆసుపత్రికి తరలించారు. అయితే అఖిల్ చికిత్స పొందుతూ గురువారం మృతి చెందాడు. అఖిల్ తండ్రి రాజు ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు ఎస్సై హరిప్రియ తెలిపారు.