ఈదురుగాలుల బీభత్సం

స్పాట్ వాయిస్, హన్మకొండ/ నల్లబెల్లి: వరంగల్, హన్మకొండ జిల్లాలో శనివారం సాయంత్రం ఈదురు గాలులు బీభత్సం సృష్టించాయి. ఖిలా వరంగల్ మండలం, నల్లబెల్లి మండలంలోని పలు గ్రామాల్లో విద్యుత్‌ స్తంభాలు, చెట్లు నేలకొరిగాయి. కొన్ని రోజుల క్రితం కురిసిన వర్షాలకు పంటలు దెబ్బతినగా, ఈ రోజు ఈదురు గాలులకు పంటలుపూర్తిగా దెబ్బతిన్నాయి. పలు ఇండ్ల పైకప్పులు లేచిపోవడంతో చాలా మంది నిరాశృలయ్యారు. కాగా, హన్మకొండ జిల్లా శాయంపేట మండలం కొప్పుల గ్రామంలోని సాంబశివ దేవాలయంలోని ధ్వజస్తంభం కూలింది. అలాగే గ్రామ పంచాయతీ వద్ద భూలక్ష్మి దేవతా విగ్రహాల వద్దనున్న భారీ వృక్షం కూలి పక్కనే ఉన్న మామిడి భిక్షపతికి చెందిన ప్రహరీ గోడ కూలింది. అలాగే గోడ పక్కనే పార్క్ చేసిన ఓ బైక్ పై చెట్టు, ప్రహరీ గోడ పడడంతో బైక్ పూర్తిగా ధ్వంసమైంది.