రాష్ట్ర స్థాయి పోటీలకు స్కాలర్స్ విద్యార్థిని …

 స్పాట్ వాయిస్,  హన్మకొండ : హన్మకొండ జిల్లా కేంద్రంలోని స్కాలర్స్ హైస్కూల్ విద్యార్థిని గుడిపల్లి మహేశ్వరి ఎస్ జీ ఎఫ్ ఐ రాష్ట్ర స్థాయి వాలీబాల్ పోటీలకు ఎంపికైంది. ఈ నెల 20వ తేదీన హన్మకొండ జేఎన్ ఎస్ లో ఉమ్మడి వరంగల్ జిల్లాల వాలీబాల్ అండర్ 17 బాలికల విభాగంలో మహేశ్వరి పాల్గొని ప్రతిభ కనబర్చి రాష్ట్ర స్థాయి వాలీబాల్ పోటీలకు ఎంపికైంది. విద్యార్థిని ఈ నెల 28, 29, 30 వ తేదీల్లో పెద్దపల్లిలో జరిగే రాష్ట్ర స్థాయి పోటీల్లో పాల్గొంటుందని పాఠశాల ప్రిన్సిపాల్ సంకీర్తనా రెడ్డి తెలిపారు. వాలీబాల్ పోటీల్లో ప్రతిభ కనబర్చిన గుడిపల్లి మహేశ్వరిని స్కూల్ జోనల్ ఇన్ చార్జి కవితారెడ్డి, స్కూల్ హెడ్ మాస్టర్ సంకీర్తనా రెడ్డి, పాఠశాల సిబ్బంది, పీఈటీలు అభినందించారు.