వ్యాపారి అనుమానాస్పద మృతి
రక్తపు మడుగులో మృత దేహం
వరంగల్ జిల్లాలో ఘటన..
కేసు దర్యాప్తు చేస్తున్న పోలీసులు
స్పాట్ వాయిస్, గీసుకొండ : వరంగల్ జిల్లా గీసుకొండ మండలం రెడ్డిపాలెంలో అనుమానాస్పద మృతి కలకాలం రేపింది. గ్రామానికి చెందిన
వ్యాపారి కొలకుల కొండారెడ్డి(45) మృతి పలు అనుమానాలకు దారి తీసింది. కొండారెడ్డికి వ్యాపారంలో వచ్చిన నష్టాలతో రెండేళ్లుగా మద్యానికి బానిస అయ్యారు. కూతురును అమెరికా పంపించిన కొండారెడ్డి రెడ్డిపాలెంకు రాగా భార్య జ్యోస్విన తల్లిగారింటికి పల్నాడు జిల్లా తాళ్ల చెరువుకు వెళ్లింది. రెడ్డిపాలెంకు వచ్చి కొండారెడ్డి మద్యానికి బానిస అయ్యాడు. ఈనెల 10వ తేదీన కొండారెడ్డితో చెల్లి నిర్మలమేరి, కూతురు ప్రవళ్లికలు మాట్లాడారు. 12న నిర్మలమేరి ఫోన్‌ చేయగా ఎత్తలేదు. దీంతో అనుమానం వచ్చి ఆమె సమీపంలో ఉన్న నక్షత్రమ్మకు, కొమ్మరెడ్డి మహర్షిలకు సమాచారం అందించారు. వారు ఇంటికి వెళ్లి తలుపులు కొట్టినా తీయక పోవడంతో డోర్‌ పైగాన ఉన్న కిటికి పగులగొట్టి బోల్ట్‌ తీసి తలుపులు తెరిచారు. కొండారెడ్డి రక్తపు మడుగులో పడి చనిపోయి ఉన్నాడు. దీంతో మహర్షి ఈవిషయం కొండారెడ్డి భార్యకు తెలిపారు. అమె సోమవారం ఉదయం రెడ్డిపాలెంకు చేరుకుని పోలీసులకు ఫిర్యాదు చేశారు. ఎనుమాముల ఇన్స్‌పెక్టర్‌ చేరాలు, si పోగుల శ్రీకాంత్‌ సంఘటన స్థలానికి వెళ్లి పరిశీలించారు. వంట గదిలో మద్యం తాగిన గ్లాసు, మోనోక్రొటోఫాస్‌ పురుగుల మందు డబ్బా, మెక్‌డోవెల్స్‌ మద్యం సీసా లభించాయి. మృతుని భార్య ఫిర్యాదు మేరకు కేసు నమోదు దర్యాప్తు చేస్తున్నారు.
Recent Comments