గంజాయికి.. కారం ట్రీట్ మెంట్..

నెట్టింట్లో వైరల్
స్పాట్ వాయిస్, సూర్యాపేట: గంజాయికి బానిసైన కొడుక్కు ఓ తల్లి కారం ట్రీట్ మెంట్ చేసింది. ఇంకోసారి చెడు స్నేహాల వైపు వెళ్తావా అంటూ.. స్తంభానికి కట్టేసి.. కళ్లల్లో కారం పోసింది. సూర్యాపేట జిల్లాలోని కోదాడ పట్టణంలో ఈ ఘటన జరిగింది. గంజాయి తాగి ఇంటికివ‌చ్చిన కొడుకును ఇరుగుపొరుగువాళ్ల సాయంతో ఆ త‌ల్లి స్తంభానికి తాళ్లతో క‌ట్టేసింది. ఆ త‌ర్వాత కారం తీసుకొచ్చి కళ్లలో కొట్టింది. ఆ కొడుకు గిల‌గిలా కొట్టుకుంటుంటే బాధను దిగమింగుకొని.. కొడుకు మారాలని పైకి కోపాన్ని ప్రదర్శించింది. తల్లి ఇచ్చిన కారం ట్రిట్ మెంట్ వీడియో ప్రస్తుతం సోషల్ మీడియాలో వైరల్ అవుతోంది. కొడుకును కాపాడుకునేందుకు తల్లి చేసిన ప్రయత్నాన్ని అందరూ మెచ్చుకుంటున్నారు.