ఈస్ట్ కోస్ట్ ట్రైన్‌లో పొగలు..

భయంతో పరుగులు తీసిన ప్రయాణికులు
స్పాట్ వాయిస్, మహబూబాబాద్: ఈస్ట్ కోస్ట్ సూపర్ ఫాస్ట్ రైలులో పొగలు వచ్చాయి. ఈ ఘటన మహబూబాబాద్ జిల్లాలో చోటుచేసుకుంది. బుధవారం ట్రైన్ హైదరాబాద్ నుంచి శాలీమర్ వెళ్తుండగా కురవి మండలం గుండ్రాతి మడుగు రైల్వే స్టేషన్‌లో ఈస్ట్ కోస్ట్ ట్రైన్‌లో ఒక్కసారిగా పొగలు రావడంతో ప్రయాణికులు భయంతో పరుగులు తీశారు ఈ ఘటనతో అరగంటపాటు ట్రైన్ ఆగిపోయింది. బ్రేక్‌లైన్‌ పట్టేయడంతో పొగలు వచ్చినట్లుగా సిబ్బంది పేర్కొన్నారు. రైల్వే సిబ్బంది సంఘటన స్థలానికి చేరుకొని మరమ్మతులు చేశారు. దాదాపు అరగంట తర్వాత రైలు మళ్లీ బయలుదేరడంతో అంతా ఊపిరిపీల్చుకున్నారు.