మంత్రిగా ఉంటు సీఎం అధికారాలు..

మీరా రాహుల్ గాంధీని విమర్శించేది..
టీఆర్ఎస్ పై ఎమ్మెల్యే సీతక్క ఫైర్

స్పాట్ వాయిస్,హన్మకొండ: రైతు సంఘర్షణ సభ చూసి టీఆర్ఎస్ నాయకుల గుండె జల్లుమన్నదని ములుగు ఎమ్మెల్యే సీతక్క అన్నారు. ఆదివారం హన్మకొండ లోని కాంగ్రెస్ భవన్ లో ఎమ్మెల్యే సీతక్క మీడియాతో మాట్లాడారు. రైతు సంఘర్షణ సభ విజయవంతం చేసిన ప్రతీ ఒక్కరికి కృతజ్ఞతలు తెలిపారు. టీఆర్ఎస్ సర్కారు ప్రజలకు రాజరిక పాలన ఎలా ఉంటుందో చూపిస్తున్నారని మండిపడ్డారు. ప్రధానమంత్రి గా అవకాశం వచ్చినా ఆ పదవి త్యాగం చేసిన రాహుల్ ఎక్కడ… మీరెక్కడ అంటూ కేటీఆర్ ను ప్రశ్నించారు. ఉద్యమం లో ప్రాణాలు, జీవితాన్ని త్యాగం చేసిన విద్యార్థుల ముందు మీరెంత అంటూ మండిపడ్డారు. 8 ఏండ్ల కాలంలో ఒక్కసారైనా అమరవీరుల కుటుంబాలను పరామర్శించారా అంటూ నిలదీశారు. మీరు ఎమ్మెల్యే కాగానే మంత్రి అయ్యారని పదవుల కోసం ఆరాటపడే మీకు రాహుల్ గాంధీ పోలిక అన్నారు. వరంగల్ కు పదేపదే వచ్చే మీరు ఎన్నికల టూరిస్టులు కాదా అని ప్రశ్నించారు. మీరు బీజేపీతో కలిసి ఆడిన డ్రామాలో రైతులు బలి అయ్యారని ఆరోపించారు. నడ్డా సభ పెడితే మీరు ఎందుకు విమర్శించరని.. రహస్య ఒప్పందం ఏంటో చెప్పాలన్నారు. రాహుల్ సభకు వచ్చిన స్పందన చూసి ఓర్వలేక విమర్శలు చేస్తున్నారని ఆరోపించారు. రాష్ట్రంలో మంత్రుల పరిస్థితి ఎంటో ప్రజలందరికి తెలుసన్నారు. రేవంత్ రెడ్డి ని గాడ్సే తో పోల్చే నికృష్టస్థితి లో మీరున్నారన్నారు. రాజకీయ లబ్దికోసం చేసే మీ జిమ్మిక్కులు మానుకోవాలన్నారు. ముఖ్యమంత్రి కాకుండానే ముఖ్యమంత్రి హోదా అనుభవిస్తున్నది మీరు రాహుల్ గాంధీ ఫై ఆరోపణలు చేస్తారా అని ప్రశ్నించారు.
రాహుల్ గాంధీ ఏం తప్పు చేసారని క్షమాపణ చెప్పాలి రాహుల్ డమ్మీ కాదు నిబద్ధత గల నాయకుడన్నారు. వరంగల్ లో ఎయిర్ పోర్టు రాలేదు కానీ రియల్ ఎస్టేట్ వ్యాపారం మండిపడ్డారు. మాస్టర్ ప్లాన్ లేకుండా నగరాభివృద్ది ఎలా సాధ్యమని ప్రశ్నించారు. టీఆర్ఎస్ కాంగ్రెస్ పై ఆరోపణలు చేస్తే ఊకునేది లేదన్నారు.