యువతి వేధింపులకు ఎస్సై బలి..

యువతి వేధింపులకు ఎస్సై బలి..

ఎస్సై హరీష్ ఆత్మహత్య ఘటనలో కీలక ఘటన

 పోలీసుల అదుపులో యువతి..

స్పాట్ వాయిస్, క్రైం: వాజేడ్ ఎస్సై హరీశ్ ఆత్మహత్య కేసులో కీలక ఘటన చోటుచేసుకుంది. ఆత్మహత్యకు ఆ యువతే కారణమని ఎస్సై తల్లిదండ్రుల ఫిర్యాదుతో పోలీసులు ఆ యువతిని అదుపులో తీసుకుని విచారణ చేస్తున్నారు. సూర్యాపేట జిల్లాకు చెందిన యువతి ఏడు నెలల కిందట హరీష్‌కు కాల్ చేసిందని..మాటామాటా కలిసి.. ఇన్‌స్టాగ్రామ్‌లో ఇద్దరూ చాట్ చేసుకునేవారని తెలిసింది. హైదరాబాద్లో చదువుకునే ఆమె వారంలో రెండు రోజులు వాజేడుకు వచ్చి ఉండి వెళ్లేదని సమాచారం.. ఈ క్రమంలోనే ఇద్దరూ పెళ్లి చేసుకోవాలని నిర్ణయించుకున్నారు. అయితే

ఆమె గురించి ఆరా తీసిన హరీష్‌కు, సూర్యాపేట జిల్లాకి చెందిన యువతి ఊర్లో ఉన్నప్పుడు ముగ్గురు యువకులతో స్నేహంగా ఉండేదని. ఒకరు పెళ్లికి నిరాకరించడంతో చిలుకూరు పోలీసు స్టేషన్లో ఫిర్యాదు చేయగా కేసు నమోదైందని విషయం తెలిసింది. దీంతో హరీశ్ ఆమెతో పెళ్లికి ఒప్పుకోలేదు. అదే విషయం ఆమెకు చెప్పడంతో మాట్లాడేందుకు ఆదివారం సాయంత్రం వాజేడు ముళ్లకట్ట సమీపంలోని ఓ రిసార్టుకు వెళ్లారు. అక్కడ ఇద్దరి మధ్య వాగ్వాదం జరిగింది. సెటిల్మెంట్ చేసుకోవడానికి హరీష్ ప్రయత్నించగా, ఇందుకు యువతి ఒప్పుకోకుండా, ఈ విషయాన్ని ఉన్నతాధికారులకు చెబుతాననడంతో మనస్తాపంతో హరీష్ ఆత్మహత్య చేసుకున్నట్లు పోలీసులు తెలిపారు.

కాగా తమ కుమారుడి మృతికి ఆ యువతే కారణమంటూ హరీశ్ తల్లిదండ్రులు ఫిర్యాదు చేయడంతో, ఆమెను పోలీసులు అదుపులోకి తీసుకుని విచారిస్తున్నారు.