సాయంతో ఆత్మసంతృప్తి

రాయపర్తి ఎస్సై బండారి రాజు
స్పాట్ వాయిస్, వర్ధన్నపేట: ఇతరులకు సహకారం అందిస్తే ఆత్మసంతృప్తి వస్తుందని రాయపర్తి ఎస్సై బండారి రాజు అన్నారు. రాయపర్తి మండల కేంద్రంలో ముస్లిం వెల్ఫేర్ సొసైటీ ఆధ్వర్యంలో పవిత్ర రంజాన్ పర్వదినాన్ని పురస్కరించుకుని జకాత్ డబ్బులతో 40 మంది నిరుపేదలకు రంజాన్ పండుగ సామగ్రి పంపిణీ చేశారు. ముస్లిం వెల్ఫేర్ సొసైటీ అధ్యక్షుడు అంజాద్ ఖాన్ అధ్యక్షతన ఏర్పాటు చేసిన సమావేశంలో ముఖ్య అతిథిగా పాల్గొన్న ఎస్సై మాట్లాడుతూ.. చేసేది చిన్న సాయమైనా దానితో అందుకునే వారికి ఎంతో ప్రయోజనం చేకురుతుందన్నారు. ఈ కార్యక్రమంలో సొసైటీ వెల్ఫేర్ ప్రతినిధులు నయీమ్, అక్బర్, ఎండీ ఉమర్, అలీ షరీఫ్, ఫయాజ్, ఫెరోజ్, అఫ్రొజ్, రఫీ, అస్గర్, రహీమ్ పాల్గొన్నారు.