ఆ రెండు రోజులు స్కూళ్లకు సెలవు

స్పాట్ వాయిస్, ఎడ్యుకేషన్: స్కూళ్లకు ఈనెలలో మరో రెండు సెలవులు మంజూరు చేశారు. ఈ నెల 29, 30 తేదీల్లో గ్రూప్-2 ప‌రీక్ష నిర్వహించేందుకు టీఎస్‌పీఎస్సీ ఏర్పాట్లు చేసింది. ఈ నేప‌థ్యంలో గ్రూప్-2 ప‌రీక్షల‌కు కేటాయించిన పాఠ‌శాల‌ల‌కు 29, 30 తేదీల్లో సెల‌వులు ప్రక‌టిస్తూ పాఠ‌శాల విద్యాశాఖ సోమ‌వారం ఉత్తర్వులు జారీ చేసింది. ఇందుకు సంబంధించిన చ‌ర్యలు తీసుకోవాల‌ని స్కూల్ ఎడ్యుకేష‌న్ డైరెక్టర్ శ్రీ దేవ‌సేన‌.. జిల్లా విద్యాధికారుల‌కు ఆదేశాలు జారీ చేశారు. ఇక 31న రాఖీ పౌర్ణమి సందర్భంగా విద్యా్ర్థులకు అదనంగా మరో సెలవు రానుంది. 783 గ్రూప్-2 ఉద్యోగాల‌కు 5,51,943 మంది ద‌ర‌ఖాస్తు చేసుకున్నారు. రెండు రోజుల్లో నాలుగు పేప‌ర్లకు ప‌రీక్షలు నిర్వహించ‌నున్నారు. ప‌రీక్షకు వారం రోజుల ముందు వెబ్‌సైట్‌లో హాల్ టికెట్లను అందుబాటులో ఉంచ‌నున్నారు.