ఆర్టీసీ బస్సు, డీసీఎం వ్యాను ఢీ

ప్రయాణికులకు తీవ్ర గాయాలు
భూపాలపల్లిలో ఆస్పత్రికి తరలింపు
స్పాట్ వాయిస్, భూపాలపల్లి : జయశంకర్ భూపాలపల్లి జిల్లా అడవి మల్లంపల్లి క్రాస్ రోడ్ వద్ద ఆర్టీసీ బస్సు, డీసీఎం వ్యాను ఢీకొన్నాయి. కాళేశ్వరం నుంచి పరకాలకు వస్తుండగా.. అతివేగంగా వచ్చిన డీసీఎం వాహనం బస్సును ఢీకొంది. ఈ ఘటనలో బస్సులోని ప్రయాణికులకు తీవ్ర గాయాలయ్యాయి. గమనించిన స్థానికులు భూపాలపల్లిలోని వంద పడకల ఆసుపత్రికి తరలించి చికిత్స అందిస్తున్నారు. ప్రస్తుతం వారిలో కొందరి పరిస్థితి ఇబ్బందిగా ఉందని డాక్టర్ నవీన్ కుమార్ తెలిపారు. క్షతగాత్రుల్లో ముగ్గురి పరిస్థితి విషమంగా ఉన్నట్లు సమాచారం.