రోడ్డు ప్రమాదంలో ఇద్దరి మృతి..

పండుగ పూట తీవ్ర విషాదం
రోడ్డు ప్రమాదంలో ఇద్దరి మృతి..
జనగామ జిల్లాలో ఘటన
స్పాట్ వాయిస్, రఘునాథపల్లి: పండుగ పూట తీవ్ర విషాదం.. రోడ్డు ప్రమాదంలో ఇద్దరు అక్కడికక్కడే మృతి చెందారు. ఈ విషాద ఘటన జనగామ జిల్లా రఘునాథపల్లి మండలంలో గురువారం చోటు చేసుకుంది. వివరాల్లోకి వెళ్తే రఘునాథపల్లి మండలం గోవర్ధనగిరికి చెందిన సంపత్ నారాయణ రెడ్డి (52), లింగాల ఘనపురం మండలం నవాబుపేట గ్రామానికి చెందిన చారి ( ప్రస్తుతం జనగామ అంబేద్కర్ నగర్ లో ఉంటున్నాడు) బైక్ పై వెళ్తున్నారు. హైదరాబాద్- వరంగల్ జాతీయ రహదారి రఘునాథపల్లి మండలం గోవర్ధనగిరి గ్రామ సమీపంలోని క్రాస్ వద్ద గుర్తుతెలియని వాహనం ఢీకొంది. ఈ ప్రమాదంలో ఇద్దరు అక్కడికక్కడే మృతి చెందారు. ఇదిలా ఉంటే ప్రమాదానికి కారణమైన వాహనం టోల్ గేట్ వద్దకురాకుండా యూటర్న్ తీసుకొని కెమరాలకు చిక్కకుండా వెళ్లిపోయినట్లు స్థానికులు చెబుతున్నారు. ఘటన స్థలానికి రఘునాథ్ పల్లి సబ్ ఇన్ స్పెక్టర్ నరేష్ యాదవ్ చేరుకొని వివరాలు సేకరిస్తున్నారు. ఇదిలా మృతులు ఇద్దరు గోవర్ధనగిరిలోని ఓ ఆయిల్ కంపెనీలో సెక్యూరిటీ గార్డులుగా విధులు నిర్వహిస్తున్నట్లు సమాచారం.