డీజిల్.. సెంచరీ క్రాస్..

తొమ్మిది రోజుల్లో పెట్రోల్, డీజిల్ పై రూ.5.60 పెంపు
స్పాట్ వాయిస్, హన్మకొండ: పెట్రో వడ్డన కొనసాగుతూనే ఉన్నది. తొమ్మిది రోజులుగా పెట్రోల్‌, డీజిల్‌ ధరలు పెరుగుతూనే ఉన్నాయి. పైసల్లో పెంచుతున్నట్లు కనిపించినా.. 9 రోజుల్లో లీటరుపై మొత్తంగా రూ.5.60 భారం మోపాయి. బుధవారం సైతం ధరలు పెరగగా.. పెట్రోల్ పై 90 పైసలు, డీజిల్‌పై 87 పైసల చొప్పున పెంచాయి. దీంతో హైదరాబాద్‌లో లీటరు పెట్రోల్‌ ధర రూ.114.51కి చేరగా, డీజిల్‌ ధర రూ.100.70కు చేరుకుంది.