ప్రసాద్ నాయుడి మృతి పార్టీకి తీరనిలోటు
-కుటుంబంలో ముగ్గురు మరణించడం ఎంతగానో కలచివేసింది
– వర్ధంతి కార్యక్రమంలో ఎమ్మెల్సీ సిరికొండ మధుసూదనాచారి
స్పాట్ వాయిస్ గణపురం: గణపురం మాజీ టీఆర్ఎస్ మండల అధ్యక్షుడు దివి ప్రసాద్ నాయుడి మృతి పార్టీ తీరనిలోటని మాజీ స్పీకర్, ఎమ్మెల్సీ సిరికొండ మధుసూదనాచారి అన్నారు. ప్రసాద్ నాయుడు గత సంవత్సరం గుండె పోటుతో మృతి చెందగా అదే సంవత్సరం వేరువేరుగా వారి తల్లిదండ్రులు కూడా అనారోగ్యంతో మృతి చెందారు. ఆదివారం మండల కేంద్రంలో నిర్వహించిన వారి వర్ధంతి కార్యక్రమానికి సిరికొండ హాజరై వారి చిత్రపటాల వద్ద నివాళులర్పించారు. ఈ సందర్భంగా ఎమ్మెల్సీ సిరికొండ మధుసూదనాచారి మాట్లాడుతూ.. ప్రసాద్ నాయుడు క్రమశిక్షణ, నిబద్ధత కలిగి పార్టీనే శ్వాస, ఊపిరిగా జీవించారన్నారు. నాయుడు పార్టీకి చేసిన సేవలు మరువలేనివని కొనియాడారు. ప్రసాద్ నాయుడుతో పాటు వారి తల్లిదండ్రులు కూడా మరణించడం బాధాకరమని అన్నారు. సంవత్సర కాలంలోనే కుటుంబంలో ముగ్గురు మరణించడం తనను ఎంతగానో కలచివేసిందన్నారు. ఆయన కుటుంబానికి అన్ని విధాలా అండగా ఉంటామన్నారు. అదేవిధంగా గాంధీనగర్ లో ఇటీవల బల్ల భాస్కర్ అనారోగ్యంతో మృతిచెందగా వారి కుటుంబ సభ్యులను పరామర్శించారు. అలాగే మండల కేంద్రంలో ఇటీవల మృతి చెందిన అంకం రాధలక్ష్మి అనారోగ్యంతో మృతిచెందగా వారి కుటుంబాన్ని పరామర్శించి ప్రగాఢ సంతాపం తెలియజేశారు. సిరికొండ వెంట ఎంపీటీసీ మోటుపోతులు శివశంకర్ గౌడ్, సీతారాంపురం సర్పంచ్ రామంచ భద్రయ్య, టిఆర్ఎస్ నాయకులు బైరగాని కుమారస్వామి, డాక్టర్ జన్నయ్య, మాజీ పీఏసీఎస్ చైర్మన్ తాళ్లపల్లి భాస్కరరావు, కసిరెడ్డి వెంకన్న, జంగిలి శ్రీనివాసరావు, సూర్యదేవర కార్తీక్, బొబ్బల సాంబయ్య, వీర్ల సారయ్య,ల్యాదల్ల శంకర్, పాసికంటి రామకృష్ణ, తదితరులు పాల్గొన్నారు.
Recent Comments