పోలీసుల సైకిల్‌ ర్యాలీ..

పోలీసుల సైకిల్‌ ర్యాలీ

స్పాట్ వాయిస్, గణపురం: పోలీసుల అమరవీరుల వారోత్సవాలలో భాగంగా మంగళవారం గణపురం పోలీసులు సైకిల్‌ ర్యాలీ నిర్వహించారు. చెల్పూర్ కేటీపీపీ నుంచి 8 ఇంక్లైన్ వరకు సైకిల్‌ ర్యాలీ నిర్వహించారు. ఎస్సై అభినవ్  తోపాటు పోలీసులు, ప్రజాప్రతినిధులు, కేటీపీపీ ఉద్యోగులు సైకిల్‌ ర్యాలీలో పాల్గొన్నారు. పోలీసు అమరులను స్మరించుకోవడం ప్రతీ పోలీసు బాధ్యత అని ఎస్సై అభినవ్ అన్నారు. అమరుల త్యాగం మరువలేనిదని, వారి త్యాగం ప్రతీ పోలీసుకు ఆదర్శమని, వారి ఆశయ సాధనకు ప్రతీ ఒక్కరు పునరంకితం కావాలని కోరారు. ఈ కార్యక్రమంలో చెల్పూర్ సర్పంచ్ నడిపెల్లి మధుసూదనరావు, ఇంజనీర్ సంతోష్, యువకులు, తదితరులు పాల్గొన్నారు.