శాత్రజ్ పల్లిలో పోలీసుల కార్డన్ అండ్ సెర్చ్

శాత్రజ్ పల్లిలో పోలీసుల కార్డన్ అండ్ సెర్చ్
స్పాట్ వాయిస్, మల్హర్: మండలంలోని శాత్రాజ్ పల్లి లో ఆదివారం ఉదయం కొయ్యూరు పోలీసులు కార్డన్ అండ్ సెర్చ్ నిర్వహించారు. ఈ సందర్భంగా కొయ్యూరు ఎస్సై సత్యనారాయణ మాట్లాడుతూ.. గ్రామాల్లో పేకాట ఆడటం, గుడుంబా అమ్మడం ,తయారు చేయడం వంటి పనులు చేయకూడదని , సైబర్ నేరాలపై ప్రజలు అప్రమత్తంగా ఉండాలన్నారు. ఎవరైనా అపరిచితులు ఫోన్ చేసి ఓటీపీ నంబర్ అడిగితే ఎట్టి పరిస్థితుల్లో స్పందించవద్దని తెలిపారు. గ్రామాల్లోకి ఎవరైనా అపరిచిత వ్యక్తులు కనిపిస్తే.. సమీప పోలీస్ స్టేషన్ లో గాని లేదా 100 కి గాని ఫోన్ చేసి సమాచారం ఇవ్వాలని కోరారు. ఈ కార్యక్రమంలో కొయ్యూరు పోలీస్ సిబ్బంది, భూపాలపల్లి స్పెషల్ బ్రాంచ్ పోలీస్ లు పాల్గొన్నారు.