సోషల్ మీడియాలో వైరల్ అవుతున్న లేఖ
పొంగులేటితో హస్తగూటికి చేరనున్న తెలంగాణ ఎస్సీ కార్పొరేషన్ మాజీ చైర్మన్
స్పాట్ వాయిస్, బ్యూరో: రాష్ట్రంలో రాజకీయ సమీకరణాలు వేగంగా మారిపోతున్నాయి. బీఆర్ఎస్ నుంచి పలువురు కీలక నేతలు కాంగ్రెస్‌లోకి జంప్ అవుతున్నారు. ఇప్పటికే బీఆర్ఎస్ నుంచి బహిష్కరణకు గురైన మాజీ ఎంపీ పొంగులేటి శ్రీనివాస్ రెడ్డి ఆదివారం అధికారికంగా హస్తం గూటికి చేరనుండగా.. ఆయనతో పాటు మరికొంతమంది కీలక నేతలు చేరబోతున్నారు. అందులో భాగంగా తెలంగాణ ఎస్సీ కార్పొరేషన్ మాజీ చైర్మన్ పడిమర్తి రవి సైతం కాంగ్రెస్ తీర్థం పుచుకునేందుకు సిద్ధమయ్యారు. 2014, 2018 ఎన్నికల్లో సత్తుపల్లి నియోజకవర్గం నుంచి టీఆర్ఎస్ అభ్యర్థిగా పోటీ చేసి పిడమర్తి రవి ఓటమి చెందారు. 2014లో ఓటమి తర్వాత ఎస్సీ కార్పొరేషన్ చైర్మన్‌గా ఆయనను కేసీఆర్ నియమించారు. 2018 ఎన్నికల్లో ఓటమి తర్వాత ఎలాంటి పదవి ఇవ్వలేదు. అప్పటినుంచి పార్టీలో తీవ్ర అసంతృప్తితో ఉన్నారు. గత కొంతకాలంగా బీఆర్ఎస్‌కు కాస్త దూరంగా ఉంటూ వస్తోన్నారు. ఇటీవల పొంగులేటిని పార్టీ నుంచి బహిష్కరించిన తర్వాత ఆయనకు పిడమర్తి రవి మద్దతు తెలుపుతున్నారు. పొంగులేటి వెంటే నడుస్తానంటూ కూడా ప్రకటించారు. ఈ మేరకు శనివారం అధికారికంగా నిర్ణయం తీసుకున్నారు. బీఆర్ఎస్ పార్టీని వీడుతున్నట్లు ఆయన సంతకం చేసిన లెటర్ సోషల్ మీడియాలో వైరల్ అవుతోంది.
Recent Comments