పిచ్చోన్ని చేసిన సెల్ ఫోన్

ఆన్ లైన్ గేమ్ తో సైకోగా మారిన యువకుడు
స్పాట్ వాయిస్, డెస్క్: ఆన్ లైన్ గేమ్ పిచ్చోన్ని చేసింది. గతంలోనూ ఆన్​లైన్ గేమ్స్​కు బానిసై వింతగా ప్రవర్తిస్తున్న సంఘటనలు చాలానే ఉన్నా.. తాజాగా రాజస్థాన్​లోని చిత్తోడ్​గఢ్​లో జరిగింది. బాన్​సెన్​ గ్రామానికి చెందిన ఇర్ఫాన్​ అన్సారీ అనే యువకుడు ఆన్​లైన్​ గేమ్స్​కు బానిసై మతితప్పినట్లు ప్రవర్తిస్తున్నాడు. రోడ్లపైకి వచ్చి హ్యాకర్​, హ్యాకర్​.. పాస్​వర్డ్​ మార్చుకోండి అంటూ పిచ్చిగా ఆరుస్తున్నాడు. అన్సారీ గతంలో బిహార్​లోని చప్​రా ప్రాంతంలో నివసించేవాడు. కొద్ది రోజుల క్రితమే రాజస్థాన్​లోని బాన్​సెన్‌కు వచ్చాడు. గంటల కొద్దీ ఫోన్​ పట్టుకునే ఉంటాడని, ఫైరింగ్​ గేమ్స్​ ఎక్కువగా ఆడేవాడు. గురువారం రాత్రి గేమ్స్ ఆడుతుండగా ఆకస్మత్తుగా ఫోన్​ స్విచ్​ ఆఫ్​అయింది. ఆ తర్వాత మతిస్థితిమితం కోల్పోయిన వాడిలా ప్రవర్తించడం ప్రారంభించాడు. రహదారిపైకి చేరి వాహనాలను ఆపుతూ పాస్​వర్డ్స్ మార్చుకోవాలంటూ ఆరవడం చేశాడు. గమనించిన స్థానికులు పట్టుకుని మంచానికి కట్టేశారు. అర్ధరాత్రి వరకు మెలకువతో ఉండి గేమ్స్ ఆడితే ఇలాంటి పరిస్థితికి దారితీస్తుందని చెప్పారు.