అధైర్య పడొద్దు.. అండగా ఉంటా..

అధైర్య పడొద్దు.. అండగా ఉంటా..
ఎమ్మెల్యే పెద్ది సుదర్శన్ రెడ్డి
జిల్లాలో భారీ వడగండ్ల వర్షం
కూలిన ఇండ్లు, దెబ్బతిన్న పంటలు
అధికారులు, ప్రజాప్రతినిధులతో కలిసి పరిశీలించిన ఎమ్మెల్యే
స్పాట్ వాయిస్ నర్సంపేట : గత నాలుగు రోజులుగా అల్పపీడనం ప్రభావంతో వర్షాలు కురుస్తున్నాయి. శనివారం రాత్రి కురిసిన వడగండ్ల వానకు నర్సంపేట డివిజన్ పరిధిలో భారీగా పంట నష్టం జరిగింది. శనివారం అర్ధరాత్రి భారీ ఈదురు గాలులతో కురిసిన వానకు పలువురి ఇళ్ల పైకప్పులు లేచిపోయాయి. మొక్కజొన్న పత్తి మిర్చి పంటలు దెబ్బతిన్నాయి. భారీగా పంట నష్టం జరిగడంతో రైతులు లబోదిబోమంటున్నారు. విషయం తెలుసుకున్న స్థానిక ఎమ్మెల్యే పెద్ది సుదర్శన్ రెడ్డి ఆదివారం ఉదయమే ఆయా మండలాల్లో పర్యటించి ఇండ్లు, పంటలు దెబ్బతిన్న పంటలను పరిశీలించి, రైతులను ఓదార్చారు. నియోజకవర్గ వ్యాప్తంగా పంటలు దెబ్బతిన్న రైతులు, బాధితులు ఆందోళన పడొద్దని, నష్టపోయిన ప్రతీ రైతును, బాధిత కుటుంబాన్ని ఆదుకుంటామని ధైర్యం చెప్పారు. జరిగిన పంట నష్టాన్ని అంచనా వేయాల్సిందిగా అధికారులకు ఎమ్మెల్యే ఆదేశించారు.