పెద్దకోడెపాకలో అపూర్వ సమ్మేళనం

పెద్దకోడెపాకలో అపూర్వ సమ్మేళనం
గత స్మృతులను నెమరువేసుకున్న విద్యార్థులు
స్పాట్ వాయిస్, శాయంపేట : మండలంలోని పెద్దకోడెపాక జిల్లా పరిషత్ ఉన్నత పాఠశాలలో 1995-96 టెన్త్ బ్యాచ్ విద్యార్థులు ఆదివారం ఆత్మీయ సమ్మేళనం ఘనంగా నిర్వహించుకున్నారు. ఈ సందర్భంగా తమకు విద్యాబుద్ధులు నేర్పి ఉన్నతులుగా తీర్చిదిద్దిన గురువులను శాలువాలు, మెమెంటోలతో ఘనంగా సత్కరించారు. అనంతరం పూర్వ విద్యార్థులు ఒకరినొకరు ఆత్మీయంగా పలకరించుకొన్నారు. చదువుకున్న పాఠశాలలో కలియదిరుగుతూ , గత స్మృతులను నెమరువేసుకున్నారు. కార్యక్రమానికి ముఖ్య అతిథులుగా గ్రామ సర్పంచ్ అబ్బు ప్రకాశ్ రెడ్డి, ఎంపీటీసీ మాచర్ల మంగమ్మ, వావిలాల వేణు, విద్యా కమిటీ చైర్మన్, పూర్వ విద్యార్థులు అన్న మహేందర్, కోకిల భిక్షపతి, ఏదుల మనోహర్, కోగిల చంద్రమౌళి, పైండ్ల శంకర్, బుస్స శ్రీనివాస్, ఎండీ రఫీ, ఐలి సురేందర్, ముల్కనూరి చంద్రమౌళి, పైడ్ల లక్ష్మీపతి, రాజు శోభ రాణి, సరళ, రమ, సంజీవరావు తదితరులు పాల్గొన్నారు.