ఉప రాష్ట్రపతి ఎన్నికకు నోటిఫికేషన్

జూలై 5 నుంచి నామినేషన్ల ప్రక్రియ
ఆగస్టు 11న ప్రమాణ స్వీకారం
స్పాట్ వాయిస్, బ్యూరో: 16వ ఉపరాష్ట్రపతి ఎన్నికకు కేంద్ర ఎన్నికల సంఘం బుధవారం షెడ్యూల్ విడుదల చేసింది. ప్రస్తుత ఉపరాష్ట్రపతి వెంకయ్యనాయుడు పదవీకాలం ఆగస్టు 10తో ముగియనుంది. ఈ నేపథ్యంలో నోటిఫికేషన్ రిలీజ్ చేసింది. జూలై 5న నోటిఫికేషన్ రిలీజ్ చేయనున్నట్లు చెప్పింది. ఆ రోజు నుంచే నామినేషన్ల దాఖలు ప్రక్రియ మొదలై జూలై 19తో ముగియనుంది. 20న అధికారులు వాటిని పరిశీలించనున్నారు. 22వ తేదీ వరకు నామినేషన్ల విత్ డ్రా చేసుకునే అవకాశం కల్పించారు. ఒకరికి మించి అభ్యర్థులు పోటీలో ఉంటే ఆగస్టు 6న ఉదయం 10గంటల నుంచి సాయంత్రం 5గంటల వరకు ఎన్నికకు పోలింగ్ నిర్వహించే అదే రోజు ఫలితాలు వెల్లడించనున్నారు. కొత్త వైస్ ప్రెసిడెంట్ ఆగస్టు 11న ప్రమాణస్వీకారం చేయనున్నారు. ఉపరాష్ట్రపతిని ఎలక్టోరల్ కాలేజీ ఎన్నుకోనుంది. 233మంది రాజ్యసభ సభ్యులతో పాటు 12మంది నామినేటెడ్ సభ్యులు, 543మంది లోక్సభ ఎంపీలతో కలుపుకొని మొత్తం 788మంది ఓటుహక్కు వినియోగించుకోనున్నారు.