ముగ్గుల పోటీ విజేతలకు బహుమతులు.. 

ముగ్గుల పోటీ విజేతలకు బహుమతులు.. 

అందజేసిన ఎమ్మెల్యే కేఆర్ నాగరాజు

స్పాట్ వాయిస్, హన్మకొండ రూరల్: హనుమకొండ జిల్లా కాజీపేట మండల పరిధిలోని బట్టుపల్లి గ్రామంలో కే ఆర్ ఎన్ ఫౌండేషన్ అధినేత కె ఆర్ సౌమ్య – దిలీప్ రాజ్ ల ఆధ్వర్యంలో నిర్వహించిన ముగ్గుల పోటీ కార్యక్రమానికి ముఖ్యఅతిథిగా వర్ధన్నపేట ఎమ్మెల్యే కేఆర్ నాగరాజు హాజరయ్యారు. మహిళలు వేసిన ముగ్గులను పరిశీలించి ముగ్గుల పోటీలో గెలిచిన విజేతలకు బహుమతులను ప్రదానం చేసారు. అనంతరం ఆయన మాట్లాడుతూ.. ముగ్గుల పోటీ అనేది మనలో నైపుణ్యతను పెంపొందిస్తుందని, గెలుపు, ఓటములనేది సహజమన్నారు. ఈ కార్యక్రమంలో మండల అధ్యక్షుడు తోట్ల రాజు యాదవ్, డివిజన్ అధ్యక్షుడు రాలరపు స్వామి, నాగపూరి బిక్షపతి, గ్రామ నాయకులు, కార్యకర్తలు, యువకులు , మహిళలు, వివిధ అనుబంధ సంఘాల నాయకులు తదితరులు పాల్గొన్నారు.