బురద రోడ్డుపై నాట్లు..

రోడ్డుపై నాట్లు వేసి నిరసన
స్పాట్ వాయిస్, గణపురం: జయశంకర్ భూపాలపల్లి జిల్లా గణపురం మండల కేంద్రంలో తహసీల్దార్ కార్యాలయానికి వెళ్లే రహదారి వర్షాలకు బురదమయంగా మారింది. దీంతో మండల కాంగ్రెస్ ఆధ్వర్యంలో రోడ్డుపై మంగళవారం వరినాట్లు వేసి నిరసన తెలిపారు. ఇటీవల కురిసిన వర్షానికి రోడ్డంతా బురదగా మారింది. ఈ రహదారిలో టీఎస్ మోడల్ స్కూల్, కస్తూర్బా, బీసీ హాస్టళ్లు ఉన్నాయి. కాగా ఈ రహదారి గుండా వెళ్లే విద్యార్థులు, గ్రామస్థులు తీవ్ర ఇబ్బందులు ఎదుర్కొంటున్నారు.

కొన్ని సంవత్సరాల నుంచి అధికారులకు విన్నవించుకున్న పట్టించుకోక పోవడంతోనే మహిళలు యువకులతో కలిసి వరినాట్లు వేసినట్లు వైస్ ఎంపీపీ విడిదినేని అశోక్ తెలిపారు. కార్యక్రమంలో కో- ఆప్షన్ సభ్యుడు చోటెమియా,సీనియర్ నాయుడు మామిండ్ల మల్లికార్జున్, యూత్ నాయకులు పోశాల మహేష్, తదితరులు ఉన్నారు.