చీరకట్టులో పుష్పరాజ్..

షూటింగ్ నుంచి లీక్ అయిన ఫిక్..
స్పాట్ వాయిస్, సినిమా డెస్క్: ఐకాన్ స్టార్ అల్లు అర్జున్ చీరకట్టులో ఎలా ఉంటాడో తెలుసా.. ఊహలెందుకు.. మీరు చూసేయండి. చీరకట్టులో ఉన్న ఫొటో ఇప్పుడు సోషల్ మీడియాను షేక్ చేస్తోంది. క్రియేటివ్ డైరెక్టర్ సుకుమార్ తెరకెక్కిస్తున్న మూవీ ‘పుష్ప 2’. అందరికీ తెలిసిందే. ‘పుష్ప ది రూల్’ పేరుతో రూపుదిద్దుకుంటోన్న ఈ సినిమాపై భారీ అంచనాలున్నాయి. అయితే తాజాగా ఈ సినిమా సెట్స్ నుంచి ఓ ఫొటో లీక్ అయింది. ఈ ఫొటోలో అల్లు అర్జున్ చీరలో కనిపిస్తున్నారు. ‘పుష్ప ది రూల్’లో అందరినీ సర్‌ప్రైజ్ చేసేలా.. గంగమ్మ జాతర ఎపిసోడ్‌ని సుకుమార్ ప్లాన్ చేసినట్లుగా ఇప్పటికే అఫీషియల్‌గా ఓ పోస్టర్ వదిలారు. ఈ జాతర బ్యాక్‌డ్రాప్ సన్నివేశాల్లో అల్లు అర్జున్ అమ్మవారిలా కనిపించనున్నాడనేలా అధికారికంగా విడుదలైన పోస్టర్‌తో అందరికీ తెలిసిపోయింది. ప్రస్తుతం ఈ జాతరకు సంబంధించి షూట్ చేస్తున్న సీన్స్ నుంచి ఓ ఫొటో లీక్ కావడంతో టీమ్ అంతా అలెర్ట్ అయింది. రామోజీ ఫిల్మ్ సిటీలో జరుగుతున్న ఈ గంగమ్మ జాతర షూట్ నుంచి ఫొటో ఎలా లీక్ అయిందా? అని టీమ్‌పై సుకుమార్ సీరియస్ అయ్యాడట. ఇప్పుడిదే వార్త సోషల్ మీడియాలో వైరల్ అవుతోంది.