ప్రజల సేవకుడు మోడీ

ప్రజల సేవకుడు మోడీ..
విఘ్నాలు తొలగించే వినాయకుడి ప్రతినిధి మోడీ
బీజేపీ రాష్ట్ర అధికార ప్రతినిధి ఏనుగుల రాకేశ్ రెడ్డి

గుడిబండల వద్ద మోడీ గణపతి ని మోస్తున్నట్లుగా ప్రతిమ..
ప్రత్యేకంగా తయారు చేయించిన రాకేశ్ రెడ్డి..
ఆసక్తిగా చూస్తున్న ప్రజలు

స్పాట్ వాయిస్, హన్మకొండ: హన్మకొండ లోని బాల గణపతి యూత్ గుడిబండలో ఉత్సవాన్ని నిర్వహిస్తున్న ఈ వినాయక విగ్రహాన్ని రాకేష్ రెడ్డి ప్రత్యేకంగా తయారు చేయించి బాల గణపతి యూత్ కు అందజేశారు. ప్రధాని మోడీ బొజ్జ గణపయ్య ను మోస్తున్న ఈ విగ్రహం అందరినీ ఆకట్టుకుంటోంది. సకల విఘ్నాలు తొలగించే వినాయకుడిని స్వయంగా మోసుకొస్తున్నట్టు, ఆ వినాయకుడి అనుగ్రహంతో ప్రజల కష్టాలను ప్రధాని దూరం చేస్తున్నారనే అర్థం వచ్చేలా ఈ విగ్రహాన్ని బీజేపీ రాష్ట్ర అధికార ప్రతినిధి ఏనుగుల రాకేష్ రెడ్డి ప్రత్యేకంగా తయారు చేయించినట్లు యూత్ సభ్యులు తెలిపారు.

భక్తుల ఆసక్తి..
ప్రత్యేకంగా రూపొందించిన ఈ విగ్రహాన్ని గుడిబండలకు వాహనం లో తీసుకెళ్తుండగా బాటసారులను, నగర ప్రజలు ఆసక్తి గా తిలకించారు. సమస్త మానవాళిని రక్షించే వినాయకుని, విశ్వ నాయకుడు మోడీ మోస్తున్నాడని స్థానికులు ముచ్చటించుకుంటున్నారు.

మోడీ ప్రజల సేవకుడు: రాకేశ్ రెడ్డి
నరేంద్ర మోడీ చాలాసార్లు తాను ప్రధాన మంత్రిని కాదని, ప్రజలకు ప్రధాన సేవకున్ని అని ఉద్ఘాటించారని బీజేపీ రాష్ట్ర అధికార ప్రతినిధి రాకేశ్ రెడ్డి అన్నారు. ప్రధాని మోడీ స్వయంగా ఆ ఆది దేవుడైన వినాయకుడికి ప్రధాన సేవకుడని చెప్పారు. గణపయ్య ఆశీస్సులతో ఓరుగల్లు ప్రజలంతా సుఖ సంతోషాలతో ఉండాలని వేడుకున్నారు.సకల విఘ్నాలు ఆ వినాయకుడు తొలగిస్తే, దేశ ప్రజల విఘ్నాలు తొలగించుటకు వినాయకుడు ఆయన ప్రతినిధిగా నరేంద్ర మోడీని ఎంచుకున్నట్టు ఉందని రాకేష్ రెడ్డి అన్నారు.