సూరయ్యకు ఎమ్మెల్యే పెద్ది పరామర్శ

సూరయ్యకు ఎమ్మెల్యే పెద్ది పరామర్శ
స్పాట్ వాయిస్, నల్లబెల్లి : నల్లబెల్లి మండలం గుండ్లపహడ్ గ్రామానికి చెందిన తాటికాయల సూరయ్యను ఆదివారం నర్సంపేట ఎమ్మెల్యే పెద్ది సుదర్శన్ రెడ్డి పరామర్శించారు. కొద్ది రోజుల క్రితం గుండ్ల పహాడ్ గ్రామ సర్పంచ్ సూరయ్యను కులం పేరుతో దూషిస్తూ విచక్షణ రహితంగా కొట్టడంతో తీవ్రంగా గాయపడ్డారు. నర్సంపేట పట్టణంలోని జిల్లా ఆస్పత్రిలో చికిత్స పొందుతున్న సూరయ్యని ఆదివారం ఎమ్మెల్యే పెద్ది సుదర్శన్ రెడ్డి పరామర్శించారు. ఈ సందర్భంగా సూరయ్య కుటుంబ సభ్యులకు ధైర్యం చెప్పి, మెరుగైన వైద్యం అందించాలని వైద్యులకు సూచించారు. ఆయన వెంట నియోజకవర్గ నాయకులు, గ్రామ పెద్దలు తదితరులు ఉన్నారు.