ఎమ్మెల్యే పిఏ పై లైంగిక దాడి కేసు…
పోలీసుల అదుపులో మరో ఇద్దరు కూడా..?
సంచలనం రేపిన ఘటన..
స్పాట్ వాయిస్, క్రైమ్ : నగరానికి చెందిన ఓ ఎమ్మెల్యే ప్రైవేటు పీఏ పై లైంగిక దాడి కేసు నమోదైంది. ఘటనకు సంబంధించినపోలీస్ వ‌ర్గాల నుంచి తెలిసిన విశ్వస‌నీయంగా సమాచారం ప్రకారం..
సిద్దిపేట జిల్లాకు చెందిన ఓ విద్యార్థిని(23) హ‌న్మకొండ‌లోని ఓ క‌ళాశాల‌లో ఎల్ఎల్‌బీ ఫైన‌ల్ ఇయ‌ర్ చ‌దువుతోంది. సుబేదారి ప్రాంతంలో ఓ ప్రైవేటు హాస్టల్‌లో ఉంటూ క‌ళాశాల‌కు వెళ్లి వ‌స్తోంది.
ఈ క్రమంలోనే విద్యార్థినికి ఎమ్మెల్యే ప్రైవేటు పీఏ శివ అనే వ్యక్తి పరిచయం అయ్యాడు. మాయ మాట‌లు చెప్పి దగ్గరయ్యాడు. స్నేహితుడి తో కలిసి హాస్టల్ నిర్వాహాకురాలిని మచ్చిక చేసుకొని లైంగిక దాడి కి యత్నించారు. ఈ మేరకు బాధితురాలు గురువారం హ‌న్మకొండ పోలీస్ స్టేష‌న్‌లో శివ, ఆయ‌న స్నేహితుడు, హాస్టల్ నిర్వాహాకురాలిపై ఫిర్యాదు చేయ‌డంతో పోలీసులు కేసు న‌మోదు చేశారు. అట్రాసిటీతో పాటు లైంగిక దాడి య‌త్నం సెక్షన్ల కింద కేసులు న‌మోదు చేశారు.
కాగా పోలీస్ లు ఎమ్మెల్యే ప్రైవేటు పీఏ శివ‌తో పాటు అత‌డి స్నేహితుడిని, హాస్టల్ నిర్వాహకురాలిన అదుపులోకి తీసుకుని విచారిస్తున్నట్టు సమాచారం. నిందితుల వివ‌రాలు బ‌య‌ట‌కు రాకుండా గోప్యంగా ఉంచే ప్రయ‌త్నం చేసినా సాధ్యం ప‌డ‌లేదని స్పష్టమ‌వుతోంది. యువ‌తిని కేసు పెట్టకుండా ఒత్తిడి తీసుకువ‌చ్చినా ఫలితం లేకుండా పోయినట్లుగా కూడా తెలుస్తోంది.
Recent Comments