శివ పూజల్లో ఎమ్మెల్యే చల్లా దంపతులు

స్పాట్ వాయిస్, సంగెం: జనగామ జిల్లా పాలకుర్తి మండల కేంద్రంలోని ప్రముఖ పుణ్యక్షేత్రమైన సోమేశ్వర లక్ష్మీ నరసింహస్వామి ఆలయం, సంగెంలోని సంగమేశ్వర ఆలయం, చింతలపల్లిలో ఆలయాలను శివరాత్రి సందర్భంగా పరకాల ఎమ్మెల్యేచల్లా ధర్మారెడ్డి-జ్యోతి దంపతులు శనివారం ప్రత్యేక పూజలు నిర్వహించారు. స్వామి వారికి అభిషేకం నిర్వహించారు. మొదటి సారి ఆలయానికి వచ్చిసిన ఎమ్మెల్యే దంపతులకు అర్చకులు ఘన స్వాగతం పలికారు. అనంతరం ఆలయ మండపంలో వేద పండితుల మంత్రోచ్చారణల నడుమ ఆశీర్వచనం చేశారు. శాలువాతో సత్కరించి, స్వామి వారి తీర్థ ప్రసాదాలు అందించారు. ఎమ్మెల్యేతో పాటు సంగెం ఎంపీపీ కందగట్ల కళావతి నరహరి, జెడ్పీటీసీ గూడ సుదర్శన్ రెడ్డి, సర్పంచ్లు గుండేటి బాబు, ఇండ్ల రవి కుమార్, ఎంపీటీసీలు మెట్టుపల్లి మల్లయ్య, బొమ్మ పావని, సంగమేశ్వర ఆలయ చైర్మన్ కందగట్ల నరహరి, ఇండ్ల శ్రీను, ప్రజాప్రతినిధులు,మండల నాయకులు తదితరులు పాల్గొన్నారు.