కార్యకర్తలను కంటికి రెప్పలా కాపాడుకుంటా
ఎమ్మెల్యే అరూరి రమేష్
స్పాట్ వాయిస్, హన్మకొండ రూరల్: కార్యకర్తలను కంటికి రెప్పలా కాపాడుకుంటామని టీఆర్ఎస్ వరంగల్ జిల్లా అధ్యక్షుడు,ఎమ్మెల్యే అరూరి రమేష్ అన్నారు. ఆదివారం హన్మకొండలోని ఎమ్మెల్యే నివాసంలో ఐనవోలు మండలం లోని వనమాలకానిపర్తి గ్రామానికి చెందిన కాంగ్రెస్, బీజేపీ పార్టీల నుంచి సుమారు 100మంది నాయకులు, యువకులు, కార్యకర్తలు అరూరి రమేష్ సమక్షంలో టీఆర్ఎస్ లో చేరారు.
ఈ సందర్భంగా పార్టీలో చేరిన నాయకులకు, కార్యకర్తలకు ఎమ్మెల్యే అరూరి రమేష్ గులాబీ కండువా కప్పి సాదరంగా పార్టీలోకి ఆహ్వానించారు. ఈ సందర్భగా ఎమ్మెల్యే మాట్లాడుతూ.. కొట్లాడి తెచ్చుకున్న తెలంగాణ రాష్ట్రాన్ని ముఖ్యమంత్రి కేసీఆర్ అన్ని రంగాల్లో అభివృద్ధి చేస్తున్నారని అన్నారు. ప్రజా సమస్యల పరిష్కారం కోసం ముఖ్యమంత్రి కేసీఆర్ అమలు చేస్తున్న అనేక సంక్షేమ పథకాలకు ఆకర్షితులై వివిధ పార్టీల నుంచి టీఆర్ఎస్ పార్టీ లో చేరుతున్నారని తెలిపారు. తనను నమ్మి వచ్చిన కార్యకర్తలను కంటికి రెప్పలా కాపాడుకుంటానని హామీ ఇచ్చారు. ఈ చేరికలు టీఆర్ఎస్ ప్రభుత్వం అందిస్తున్న ప్రజా సంక్షేమ, అభివృద్ధి పథకాల అమలుకు నిదర్శనమని అన్నారు. ఈ కార్యక్రమంలో మండల అధ్యక్షుడు పోలేపల్లి శంకర్ రెడ్డి, జెడ్పీ కో- ఆప్షన్ మెంబర్ ఉస్మాన్ అలీ,మండల ప్రధాన కార్యదర్శి రాజశేఖర్, స్థానిక సర్పంచ్ స్వర్ణ రవి,ఎంపీటీసీ రాజేందర్, ఐనవోలు ఆలయ డైరెక్టర్ సింగారపు రాజు, మండల నాయకులు ముత్తినేని రాజు, ఉప సర్పంచ్ రిషిక రమేష్, గ్రామ అధ్యక్షుడు ఆగయ్య, నాయకులు, కార్యకర్తలు పాల్గొన్నారు.
Recent Comments