పంచాంగాలు పంపిణీ చేసిన ఎమ్మెల్యే పెద్ది

స్పాట్ వాయిస్, నల్లబెల్లి : ఉగాది పండుగ సందర్భంగా శుభకృతు సంవత్సరాన్ని పురస్కరించుకుని నల్లబెల్లి వాసవి క్లబ్ అధ్యక్షుడు గంగిశెట్టి నాగభూషన్ ఆధ్వర్యంలో నర్సంపేట ఎమ్మెల్యే పెద్ది సుదర్శన్ రెడ్డి చేతుల మీదుగా ఎమ్మెల్యే స్వగృహం నల్లబెల్లి లో పంచాంగాల పంపిణీ చేశారు. ఈ సందర్భంగా ఎమ్మెల్యే మాట్లాడుతూ.. తెలుగు సంవత్సరాది ఉగాది పురస్కరించుకొని.. ఈ కొత్త సంవత్సరంలో పాడి పంటలకు ఎలాంటి ప్రకృతి వైపరీత్యాలు రాకుండా అన్నదాతలు వ్యాపారస్తులు ఉద్యోగులు ప్రజలందరూ సుఖ సంతోషాలతో ఉండాలని ఆ భగవంతుని కోరుతున్నట్లు ఆయన పేర్కొన్నారు. అనంతరం వాసవి క్లబ్ ఆధ్వర్యంలో పెద్ది కి పుష్పగుచ్ఛం అందజేసి  శాలువా కప్పి ఘనంగా సన్మానించారు. ఈ కార్యక్రమంలో ఆర్యవైశ్య సంఘం మండల అధ్యక్షుడు పురం బద్రీనాథ్ పట్టణ సంఘం అధ్యక్షుడు గంగిశెట్టి శ్రీనివాస్,  భువనగిరి వాసవి క్లబ్ కోశాధికారి తాటిపల్లి రవీందర్, వాసవి క్లబ్ మండల కార్యదర్శి మురికి మనోహర్ రావు,  కోశాధికారి. వెలగందుల పూర్ణచందర్,  స్థానిక సర్పంచ్ నానబోయన రాజారాం, లెంకలపల్లి మాజీ సర్పంచ్ చెరలుగౌడ్ తదితరులు పాల్గొన్నారు.