ఆర్టీసీ బస్సును ఢీకొన్న బొగ్గులారీ

లారీ డ్రైవర్ తోపాటు మేడారం భక్తులకు గాయాలు
స్పాట్ వాయిస్, మేడారం : జయశంకర్ భూపాలపల్లి జిల్లాలో జరిగిన రోడ్డు ప్రమాదంలో పలువురు మేడారం భక్తులు గాయపడ్డారు. మంచిర్యాల డిపో నుంచి మేడారం సమ్మక్క-సారలమ్మ జాతరకు 50 మంది ప్రయాణికులతో వెళ్తున్న ఆర్టీసీ బస్సును బొగ్గు లారీ ఢీకొట్టింది. జిల్లాలోని మేడిపల్లి ఆటవీ ప్రాంతంలో జరిగిన ఈ ప్రమాదంలో లారీ డ్రైవర్ తీవ్రంగా గాయపడగా, ఆర్టీసీ డ్రైవర్ తో పాటు పలువురు ప్రయాణికులకు గాయాలయ్యాయి. స్థానికులు క్షతగాత్రులను భూపాలపల్లి ఆసుపత్రికి తరలించి చికిత్స అందిస్తున్నారు.. అయితే ఈ ఘటనకు సంబంధించిన మరిన్ని పూర్తి వివరాలు తెలియాల్సి ఉంది.