అగ్గిపెట్టె కోసం ఫ్రెండ్ ను చంపేశారు

అగ్గిపెట్టె కోసం ఫ్రెండ్ ను చంపేశారు

స్పాట్ వాయిస్, మేడ్చల్ : అగ్గిపెట్టె కోసం ఇద్దరు కలిసి దోస్త్ ను కత్తితో పొడిచి చంపేశారు.ఈ ఘటన మేడ్చల్ జిల్లా జగద్గిరిగుట్ట పీఎస్ పరిధిలో చోటు చేసుకుంది. జగద్గిరిగుట్ట, వెంకటేశ్వరకాలనీకి చెందిన మనోజ్​కుమార్(23), సంజయ్​పురికాలనీకి చెందిన రాజు(23), రోహన్​(24) ముగ్గురూ స్నేహితులు. వీరు ఫంక్షన్లలో బ్యాండ్ వాయిస్తుంటారు. బుధవారం రాత్రి 11 గంటలకు ఆస్బెస్టాస్ కాలనీ పార్కులో ముగ్గురు మాట్లాడుకుంటున్నారు. సిగరేట్ తాగేందుకు అగ్గిపెట్టె కావాలని రాజు, రోహాన్​లను మనోజ్ అడిగితే వాళ్లు ఇవ్వలేదు. దీంతో మనోజ్ వారితో గొడవపడ్డాడు. మాటామాటా పెరగడంతో రాజు, రోహాన్ కలిసి మనోజ్ ను కత్తితో పొడిచి పారిపోయారు. మనోజ్​ను స్థానికులు ఆస్పత్రికి తీసుకెళ్లగా చికిత్స పొందుతూ మృతిచెందాడు.