స్పాట్ క్రైం: కేటీపీపీలో ప్రమాదం.. ఏడుగురికి అంటుకున్న మంటలు

స్పాట్ వాయిస్,గణపురం: జయశంకర్ భూపాలపల్లి జిల్లా కాకతీయ థర్మల్ విద్యుత్ కేంద్రం (కేటీపీపీ)లో సోమవారం రాత్రి అగ్ని ప్రమాదం జరిగింది. ఈ ఘటనలో ఏడుగురు కార్మికులకు తీవ్ర గాయాలయ్యాయి. ఇందులో ఒకరి పరిస్థితి విషమంగా ఉన్నట్లు సమాచారం. కేటీపీపీలోని మొదటి దశ 500 మెగావాట్ల ప్లాంట్ లోని రిజెక్ట్ కోల్ మిల్ లో సోమవారం సాయంత్రం విధులు నిర్వహిస్తున్న కార్మికులు మిల్ లోని డోర్ తిప్పే క్రమంలో ఒక్కసారిగా మంటలు వ్యాపించాయి. దీంతో ఏడుగురికి తీవ్ర గాయాలయ్యాయి. వెంటనే అగ్నిమాపక సిబ్బంది ప్రమాద స్థలాన్ని చేరుకుని మంటలు ఆర్పారు. క్షతగాత్రులను ఆస్పత్రికి తరలించారు. జూనియర్ ప్లాంట్ అటెండెంట్ పరిస్థితి విషమంగా ఉందని సమాచారం.