రేపు ఐనవోలు ఆలయ కమిటీ ప్రమాణ స్వీకారం

రేపు ఐనవోలు ఆలయ కమిటీ ప్రమాణ స్వీకారం
హాజరుకానున్న ఎమ్మెల్యే, ఇతర ప్రజాప్రతినిధులు
స్పాట్ వాయిస్, ఐనవోలు : ఐనవోలు దేవస్థాన ఆలయ ధర్మ కర్తల మండలి ప్రమాణ స్వీకారోత్సవం ఆలయ ప్రాంగణంలో రేపు (సోమవారం) జరగనున్నట్లు ఆలయ కమిటీ చైర్మన్ మజ్జిగ జయపాల్ యాదవ్  తెలిపారు. ఈ సందర్భంగా ఆయన ఆదివారం మాట్లాడుతూ సోమవారం ఉదయం 9 గంటలకు జరగనున్న ఐనవోలు దేవస్థాన ఆలయ ధర్మ కర్తల మండలి ప్రమాణ స్వీకారోత్సవానికి వర్ధన్నపేట ఎమ్మెల్యే ఆరూరి రమేష్, డీసీసీ చైర్మన్ మార్నేని రవీందర్ రావు, జెడ్పీ వైస్ చైర్మన్ గజ్జెల శ్రీరాములు, ఎంపీపీ మార్నేని మధుమతి రవిందర్ రావు, జెడ్పీ కో ఆప్షన్ మెంబర్ ఉస్మాన్ అలీ తోపాటు సంబంధిత అధికారులు హాజరుకానున్నారని తెలిపారు. ఈ కార్యక్రమానికి మండలంలోని అన్ని గ్రామాల సర్పంచ్ లు, ఎంపీటీసీలు, ఉప సర్పంచ్ లు, ఆత్మ కమిటీ డైరెక్టర్ లు, మండల పరిషత్ కో ఆప్షన్ సభ్యులు, వార్డు సభ్యులు, పార్టీ అనుబంధ సంఘాల అధ్యక్ష,కార్యదర్శులు ఇతర ప్రజాప్రతినిధులు, అన్ని గ్రామాల పార్టీ అధ్యక్షులు, రైతు సమన్వయ సమితి కన్వీనర్లు, పార్టీ శ్రేణులు, రైతులు, హాజరై విజయవంతం చేయాలని కమిటీ చైర్మన్ మజ్జిగ జయపాల్ యాదవ్ తెలిపారు.