హైదరాబాద్ లో భారీ అగ్ని ప్రమాదం

టింబర్​ డిపోలో అగ్నిప్రమాదం…

దంపతులు సహా చిన్నారి సజీవదహనం

స్పాట్ వాయిస్, హైదరాబాద్ : రాష్ట్ర రాజధానిలో మరో అగ్ని ప్రమాదం జరిగింది. నగరం లోని కుషాయిగూడలోని టింబర్ డిపోలో అగ్నిప్రమాదం జరిగింది. ఈ క్రమంలో పక్క భవనానికి మంటలు వ్యాపించాయి. సమాచారం అందగానే ఫైర్ సిబ్బంది ఘటనాస్థలానికి వెళ్లి మంటలను ఆర్పివేశారు. అప్పటికే జరగాల్సిన నష్టం జరిగిపోయింది. ఆ భవనంలో ఉంటున్న దంపతులు, ఒక బాబు సజీవ దహనం అయ్యారు. అగ్నిమాపక సిబ్బంది మంటలు ఆర్పి 3 మృతదేహాలు వెలికి తీశారు. దుర్ఘటనలో మృతి చెందినది నరేశ్‌(35), సుమ‍(28), జోషిత్‌(5)గా గుర్తించారు. మృతులు నల్గొండ జిల్లా తుంగతుర్తి. ఇది ఇలా ఉంటే..ఈ అగ్ని ప్రమాదంలో మరొకరు మృతి చెందినట్లు సమాచారం.