డిసెంబర్ లో గురుకుల పోస్టుల భర్తీకి నోటిఫికేషన్‌..!

డిసెంబర్ లో గురుకుల పోస్టుల భర్తీకి నోటిఫికేషన్‌

9,096 పోస్టుల భర్తీకి ప్రతిపాదన

స్పాట్ వాయిస్, ఎడ్యుకేషన్ : గురుకులాల్లో ఉద్యోగాల భర్తీ ప్రక్రియకు కసరత్తు మొదలయిoది ఇప్పటివరకు గిరిజన రిజర్వేషన్లు, ఇతరత్రా అవాంతరాలతో నోటిఫికేషన్ విడుదలలో జాప్యం నెలకొంది. ప్రభు­త్వం అనుమతించిన పోస్టుల భర్తీకీ సంబంధించిన ప్రతిపాదనల(ఇండెంట్లు)ను గురుకుల సొసైటీలు తెలంగాణ గురుకుల విద్యాసంస్థల నియామకాల బోర్డుకు సమర్పించాయి. ఆ ప్రతిపాదనల మేరకు పోస్టులవారీగా రిజర్వేషన్లు, రోస్ట­ర్‌ పాయింట్ల వివరాలను పరిశీలించేందుకు నియామకాల బోర్డు సన్నద్ధమైంది. రాష్ట్రంలోని నాలుగు సంక్షేమ గురుకుల సొసై­టీల పరిధిలో 9,096 బోధ న, బోధనేతర పోస్టుల భర్తీకి ఇప్పటికే రాష్ట్ర ప్రభు త్వం అనుమతించి ఇచ్చింది.

వారంలో పూర్తి..

తెలంగాణ సాంఘిక సంక్షేమ గురుకుల విద్యాసంస్థల సొసైటీ(టీఎస్‌డబ్ల్యూఆర్‌ఈఐఎస్‌), తెలంగాణ గిరిజన సంక్షేమ గురుకుల విద్యా సంస్థల సొసైటీ (టీటీడబ్ల్యూఆర్‌ఈఐఎస్‌), తెలంగాణ మైనార్టీ గురుకుల విద్యా సంస్థల సొసైటీ(టీఎంఆర్‌ఈఐఎస్‌), మహాత్మా జ్యోతిబా పూలే తెలంగాణ వె­ను­కబడిన తరగతుల సంక్షేమ గురుకుల విద్యా­సంస్థల సొసైటీ (ఎంజేపీటీబీసీడబ్ల్యూఆర్‌ఈఐఎస్‌) ల పరిధిలో 9,096 పోస్టుల భర్తీకి రాష్ట్ర ప్రభుత్వం ఆ­మో­దం తెలిపింది. ఈ క్రమంలో సొసైటీల వారీ­గా మంజూరు చేసిన పోస్టుల భర్తీకి ప్రతిపాదనలు రూ­పొందించిన సొసైటీలు బోర్డుకు సమర్పించా­యి. ఈ ప్రతిపాదనలను వారంరోజుల్లోగా పరిశీలిం­చే­లా బోర్డు లక్ష్యాన్ని నిర్దేశించుకుంది. ప్రతిపాదన­ల పరి శీలనకు షెడ్యూల్‌ రూపొందించిన బోర్డు సం­బంధిత సొసైటీ అధికారులు సహకారం అందించాలని స్పష్టం చేసింది.

డిసెంబర్‌లో నోటిఫికేషన్‌

గురుకుల విద్యాసంస్థల ఖాళీల భర్తీకి సంబంధించి వచ్చేనెలలో నోటిఫికేషన్‌ వెలువడే అవకాశం ఉంది. వారంలో ప్రతిపాదనల పరిశీలన పూర్తయిన అనంతరం పోస్టుల వారీగా నోటిఫికేషన్లు ఇవ్వాలని గురుకుల నియామకాల బోర్డు కార్యాచరణ సిద్ధం చేయనుంది.