అక్రమంగా తరలిస్తున్న బెల్లం, గుడుంబా పట్టివేత
స్పాట్ వాయిస్ , నర్సంపేట : అక్రమంగా తరలిస్తున్న బెల్లం, గుడుంబాను ఎక్సైజ్, నర్సంపేట పోలీసులు పట్టుకున్నారు. నర్సంపేట ఎక్సైజ్ సీఐ రాజసమ్మయ్య తెలిపిన వివరాల ప్రకారం.. సోమవారం నర్సంపేట ఎక్సైజ్ పోలీసులు, స్థానిక పోలీసులు సంయుక్తంగా ద్వారకాపేట రోడ్డు వద్ద నిర్వహించిన వాహన తనిఖీల్లో అక్రమంగా బెల్లం, గుడుంబా ఆటోలో రవాణా చేస్తూ ముగ్గురు వ్యక్తులు పట్టుబడ్డారు. ఖానాపురం మండలం రామలింగంపల్లి, మంగలవారిపేట చెందిన భూక్యా రవి, బోడ బాలు, భూక్యా భద్రమ్మ గుండ్లసింగారం నుంచి బెల్లం తీసుకొని వచ్చి ఇంటి వద్ద నాటుసారా తయారుచేసి కొంతకాలంగా అమ్ముతున్నారు. వీరు ముగ్గురిని అరెస్టు చేసి ఆటోతో సహా 150 కిలోల బెల్లం, పది లీటర్ల గుడుంబా స్వాధీనం చేసుకున్నారు. ఈ దాడులలో నర్సంపేట టౌన్ సీఐ పులి రమేష్ గౌడ్, ఎక్సైజ్ ఎస్సై రాధాకృష్ణ, సిబ్బంది పాల్గొన్నారు.
Recent Comments